Səudiyyə Ərəbistanında 5 gündür davam edən güclü yağış səbəbindən ölənlərin sayının 7-ə yüksəldiyi, 5 nəfərin itkin düşdüyü bildirilir. 

İnterAz-ın Səudiyyə Ərəbistanı rəsmi xəbər agentliyi SPA-a istinadən verdiyi xəbərə görə, şənbə günündən bəri davam edən şiddətli yağışlar  Riyadda 5, Arar şəhərində 2 nəfərin həyatına son qoyub. 5 nəfər isə itkin düşüb.

Səudiyyə Ərəbistanı Mülki Müdafiə İdarəsinin yaydığı məlumatda bilidirilir ki, ölkədə bazar günündən bu yana davam edən yağışlar səbəbindən itkin düşənlərin axtarışları davam etdirilir.