ABŞ İranla 5+1 formatında danışıqlar üçün yenidən təklif irəli sürüb

İranın nüvə silahını əldə etməsinin qarşısını almaq üçün ən yaxşı yol, diplomatik danışıqlardır...

Bakı, Gülnarә Quliyeva, İnteraz - 02 Mart 2021, 10:45

“İranın nüvə silahını əldə etməsinin qarşısını almaq üçün ən yaxşı yol, diplomatik danışıqlardır. Nüvə sazişi ilə bağlı 5+1 formatında danışıqlara qayıtmaqla məsələsində İranın rədd cavabı ümidsizliyə səbəb olsa da yenə bu format çərçivəsində danışıqlara qayıtmaq təklifi qüvvəsində qalır.”

 

İnterAz SalamNews-a istinadla xəbər verir ki, bunu ABŞ-ın Dövlət Katibliyinin sözçüsü Ned Prays deyib.

 

Ötən gün verdiyi açıqlamasında danışıqlara qayıtmaqla bağlı təklifə İran tərəfindən rədd cavabının verildiyini və bunun ümidsizliyə səbəb olduğunu deyən Ned Prays, 5+1 formatında müzakirələrin yenidən qüvvədə olduğunu bildirib.

 

Qeyd edək ki, İran sanksiyalar götürülmədən ABŞ-ın olduğu qrupla danışıqlar aparmayacağını bildirib.

 

Əlavə edək ki, ABŞ hökuməti nüvə sazişinə qayıtmaq vədi versə də hələ sanksiyaları aradan qaldırmayıb. Buna cavab olaraq İran nüvə sazişindəki öhdəliklərini azaldıb.

sss