Fələstin BƏƏ-dən səfirini geri çağırıb

...bu barədə Fələstin Xarici İşlər naziri Riyad əl-Maliki facebook səhifəsində yazıb

Bakı, Gülnarә Quliyeva, İnteraz - 14 Avqust 2020, 08:58

Birləşmiş Ərəb Əmirlikləri (BƏƏ) ilə İsrail arasında münasibətlərin normallaşmasına dair razılığın əldə edilməsi səbəbindən Fələstin bu ölkədəki səfirini geri çağırıb. 

 

İnterAz RİA Novosti-yə istinadən xəbər verir ki, bu barədə Fələstin Xarici İşlər naziri Riyad əl-Maliki facebook səhifəsində yazıb.

 

O bildirib ki, Fələstin rəhbərliyi İsrail, BƏƏ və ABŞ arasındakı üçtərəfli razılaşmanı qınayır. 

 

Qeyd edək ki, yaxın həftələrdə İsrail və BƏƏ arasında investisiya, turizm, birbaşa uçuşlar, təhlükəsizlik, telekommunikasiya və digər sahələr üzrə bir sıra sazişlərin imzalanacağı bildirilir.