Husilər Səudiyyə Ərəbistanına hava hücumlarını dayandırıblar

O qeyd edib ki, Səudiyyə Ərəbistanı onların təşəbbüsünə qarşılıq verməsə, husilər cavab vermək hüququnu özündə saxlayır...

Bakı, Aytən Əliyeva, İnteraz - 21 Sentyabr 2019, 09:46

Yəmənin şimalında hakimiyyəti ələ keçirən "Ənsar Alla" hərəkatının üsyançıları (Husilər), pilotsuz uçan aparatlarla Səudiyyə Ərəbistanın bombalanmasını dayandırır və Ər-Riyaddan da oxşar addım gözləyirlər.

 

İnterAz RİA "Novosti"yə istinadən xəbər verir ki, bunu husilərin Siyasi Şurasının rəhbəri Mehdi əl-Məşat "Əl-Masira" telekanalının efirində bəyan edib.

 

"Biz Səudiyyə Ərəbistanı ərazisinin dronlar və digər silah növlərindən istifadə vasitəsi ilə bombalanmasını dayandırırıq. Səudiyyə Ərəbistanından Yəmən ərazisinə bütün növ hücumların dayandırılmasına dair oxşar bəyanat gözləyirik", - deyə əl-Məşat bildirib.

 

O qeyd edib ki, Səudiyyə Ərəbistanı onların təşəbbüsünə qarşılıq verməsə, husilər cavab vermək hüququnu özündə saxlayır.