Azərbaycan boksçuları beynəlxalq turnirdə 2 medal qazanıblar

Qeyd edək ki, millimiz yarışa 5 boksçu ilə qatılmışdı...

Bakı, Nərgiz Qəhramanova, , İnteraz - 22 Aprel 2019, 10:02

Gürcüstanın paytaxtı Tbilisidə keçirilən boks üzrə beynəlxalq turnir başa çatıb. 

 

İnterAz-ın məlumatına görə, David Kvaçadzenin şərəfinə təşkil olunan yarışda Azərbaycan millisi 1 gümüş və 1 bürünc medal qazanıb.

 

Böyük məşqçi Nəriman Abdullayev və məşqçi Oqtay İbrahimovun rəhbərliyi altında turnirdə iştirak edən yığmamızın heyətində Nurlan Səfərov (60 kq) ikinci yeri tutub. Digər boksçumuz Rüfət Hüseynov (52 kq) isə fəxri kürsünün üçüncü pilləsinə qalxıb.

 

Qeyd edək ki, millimiz yarışa 5 boksçu ilə qatılmışdı.