Bakıda piyadanı vuran "Kamaz" sürücüsü saxlanıldı

Hazırda iş üzrə istintaq davam etdirilir

Bakı, Tural Səftərov, İnteraz - 25 Noyabr 2013, 17:25

“Paytaxtın hüquq mühafizə orqanları tərəfindən yol hərəkəti və nəqliyyat vasitələrinin istismarı qaydalarını kobud şəkildə pozmaqla yol nəqliyyat hadisəsi törədərək hadisə yerindən qaçan sürücülərin müəyyən edilərək cinayət məsuliyyətinə cəlb olunmaları istiqamətində zəruri istintaq-əməliyyat tədbirləri davam etdirilir”. İnterAz xəbər verir ki, bu barədə Bakı şəhər prokurorluğu və Baş Polis İdarəsinin yaydığı birgə məlumatda deyilir. 

 

Bildirilir ki, noyabrın 23-də saat 21 radələrində paytaxtın Binəqədi rayonu ərazisində naməlum avtomobilin yol hərəkəti qaydalarını pozaraq yolu keçən piyada, 1956-cı il təvəllüdlü Məmmədov Qaramolla Xasay oğlunu vurub hadisə yerindən qaçması və sonuncunun aldığı xəsarətlərdən noyabrın 24-də xəstəxanada ölməsi faktına görə rayon Polis İdarəsinin İstintaq Şöbəsində Cinayət Məcəlləsinin 263.2 (yol hərəkəti və nəqliyyat vasitələrinin istismarı qaydalarını pozma) və 264-cü (yol nəqliyyat hadisəsi yerindən qaçma) maddələri ilə cinayət işi başlanıb.

 

Həyata keçirilmiş təxirəsalınmaz istintaq-əməliyyat tədbirləri nəticəsində qeyd olunan yol nəqliyyat hadisəsinin Məmmədov Allahverdi Valeh oğlunun idarə etdiyi “Kamaz” markalı avtomobillə törədilməsində əsaslı şübhələr olduğundan sonuncu tutularaq istintaqa cəlb olunub.

 

Hazırda iş üzrə istintaq davam etdirilir.   

sss