Azərbaycanda müşahidə olunan faktiki hava açıqlanıb

...Nabran, Quba, Xaçmaz, Qusar, Xaltanda yağıntılı olub, qara keçib

Bakı, Gülnarә Quliyeva, İnteraz - 23 Fevral 2021, 17:23

Azərbaycanda müşahidə olunan faktiki hava açıqlanıb.

 

Milli Hidrometeorologiya Xidmətindən İnterAz-a verilən məlumata görə, saat 17:00-a olan məlumatına əsasən ölkənin şimal rayonlarına soyuq atmosfer cəbhəsinin daxil olması nəticəsində hava şəraiti dəyişib.

 

Nabran, Quba, Xaçmaz, Qusar, Xaltanda yağıntılı olub, qara keçib. Bakıda hazırda yağış yağır.

 

Qərb küləyinin sürəti Ağstafa, Naftalanda 20, Gəncə, Tovuzda 18, Yevlaxda 17, Bərdədə 16 m/s-dək güclənib. Neft Daşları stansiyasının məlumatına əsasən dalğanın hündürlüyü 2.3 metrə çatıb.