Xalq artisti Əjdər Həmidov vəfat edib

Azərbaycan Xalq artisti, aktyor Əjdər Qüdrət oğlu Həmidov vəfat edib...

Bakı, Gülnarә Quliyeva, İnteraz - 24 Noyabr 2020, 19:01

 Azərbaycan Xalq artisti, aktyor Əjdər Qüdrət oğlu Həmidov vəfat edib.

 

İnterAz xəbər verir ki, bu barədə Azərbaycan Dövlət Akademik Milli Dram Teatrının mətbuat xidmətinin rəhbəri Cavid Zeynallı məlumat verib.

 

Qeyd edək ki, aktyor bir neçə gün əvvəl xəstəxanaya yerləşdirilmişdi, o, insultdan əziyyət çəkirdi.

 

Əjdər Həmidov 28 sentyabr 1953-cü ildə Şabran rayonunun (keçmiş Dəvəçi rayonun) Aygünlü kəndində anadan olub. 1979-cu ildə M.A.Əliyev adına Azərbaycan Dövlət İncəsənət İnstitutunun dram və kino aktyorluğu fakültəsini bitirib. Təyinatla Sumqayıt Dövlət Musiqili Dram Teatrına göndərilən Ə.Həmidov bu teatrın səhnəsində bir sıra maraqlı rollar oynayıb.