AMEA magistraturaya qəbul olunan bakalavrlara xəbərdarlıq edib

Azərbaycan Milli Elmlər Akademiyası (AMEA) magistraturaya qəbul olunan bakalavrlara xəbərdarlıq edib...

Bakı, Aytən Əliyeva, İnteraz - 24 Iyun 2019, 14:17

Azərbaycan Milli Elmlər Akademiyası (AMEA) magistraturaya qəbul olunan bakalavrlara xəbərdarlıq edib. 

 

Akademiyanın Rəyasət Heyətinin İctimaiyyətlə əlaqələr şöbəsindən İnterAz-a bildirilib ki, 2019/2020-ci tədris ili üçün AMEA-nın magistraturasına qəbul olan bakalavrlar AMEA-da qeydiyyatdan keçməlidirlər. 

 

Qeydiyyat üçün aşağıdakı sənədlər tələb olunur:

 

- Bakalavrın təhsilini başa vurduğunu təsdiqləyən diplom və ya arayış;

 

- Şəxsiyyət vəsiqəsinin surəti – 2 nüsxə;

 

- Hərbi bilet və ya çağırış məntəqəsinə təhkim edilmə haqqında vəsiqənin surəti – 2 nüsxə;

 

- 3x4 ölçüdə rəngli fotoşəkil – 4 ədəd;

 

- Ödənişli əsaslarla qəbul olunanlar üçün – təhsil haqqının ödənilməsi haqqında qəbzin surəti – 2 nüsxə;

 

- Təhsil haqqından azad olmaq hüququna malik olanlar müvafiq sənədlərinin (vəsiqələrinin) notarial təsdiqini.

 

Magistraturaya qəbul olunan bakalavrların qeydiyyatı 2019-cu il iyun ayının 27-dən iyul ayının 10-dək (şənbə və bazar günləri istisna olmaqla) saat 10:00-dan 17:00-dək AMEA Rəyasət Heyəti aparatının Elm və təhsil baş idarəsinin Magistratura şöbəsində aparılacaq.

 

Qeydiyyatdan keçməyən bakalavrlar qəbul olunanların siyahısından xaric ediləcəklər.