Şamaxıda baş vermiş təbii fəlakətin nəticələrinin aradan qaldırılmasına 2 milyon manat ayrılıb

Prezident Şamaxıda təbii fəlakətin nəticələrinin aradan qaldırılması işlərinin davam etdirilməsinə 2 milyon manat ayırıb...

Bakı, Aytən Əliyeva, İnteraz - 12 Sentyabr 2019, 17:55

Prezident İlham Əliyev "Şamaxı rayonunda baş vermiş təbii fəlakətin nəticələrinin aradan qaldırılması işlərinin davam etdirilməsi ilə bağlı əlavə tədbirlər haqqında" sərəncam imzalayıb.

 

İnterAz xəbər verir ki, sərəncamla baş vermiş zəlzələ nəticəsində Şamaxı rayonunda yaşayış evlərinə dəymiş ziyanın aradan qaldırılması işlərinin davam etdirilməsi məqsədilə həmin evlərin təmiri üçün 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan 2 milyon manat Şamaxı Rayon İcra Hakimiyyətinə ayrılıb.