Xocalı soyqırımının 22-ci ildönümü ilə əlaqədar Türkiyədə foto-sərgi və konfrans təşkil olunacaq.

Bu barədə İnterAz-a İstanbul Türkiyə-Azərbaycan Dərnəyinin sədri Səfər Karakoyunlu məlumat verib.

O bildirib ki, fevralın 23-də keçirilməsi nəzərdə tutulan sərgi və konfrans İstanbuldakı Türkan Saylan Mədəniyyət Mərkəzində baş tutacaq. Burada iştirak etmək üçün Azərbaycan nümayəndə heyəti qardaş Türkiyəyə gedəcək: “Konfransda Azərbaycanın İstanbuldakı baş konsulu Həsən Zeynalov, deputatlar Qənirə Paşayeva, Atilla Kaya, Əli Özgündüz, İbrahim Öztəkin və digər şəxslər məruzə edəcəklər”.