Kim Çen In iqtisadi planın uğursuzluqla nəticələndiyini elan edib

Şimali Koreyanın beş illik planının hədəflərinə iqtisadiyyatın demək olar ki, heç bir sahəsində nail olunmayıb...

Bakı, Gülnarә Quliyeva, İnteraz - 06 Yanvar 2021, 14:03

Şimali Koreyanın beş illik planının hədəflərinə iqtisadiyyatın demək olar ki, heç bir sahəsində nail olunmayıb.

 

İnterAz xəbər verir ki, bunu KXDR lideri Kim Çen In hakim partiyanın qurultayının açılışında çıxış edərkən deyib.

 

Kim Çen In ölkədə 2020-ci ilin sonuna qədər tamamlanmalı olan planın hədəflərinə praktik olaraq heç bir sektorda nail olunmadığını açıqlayıb. O qeyd edib ki, buraxılan səhvlər diqqətlə təhlil edilməlidir.

 

Eyni zamanda, KXDR rəhbəri koronavirus pandemiyası zamanı çətinlikləri qətiyyətlə dəf edən İşçi Partiyasının və KXDR xalqının parlaq uğurları barədə də qeyd edib.

 

Gələcək beş illik iqtisadi planın ölkə tarixində səkkizinci dəfə keçirilən partiya qurultayında qəbul ediləcək. ABŞ və Cənubi Koreyaya qarşı yeni bir siyasət xəttinin də təsdiqlənəcəyi gözlənilir.

 

Xatırladaq ki, daha əvvəl Koreya Əmək Partiyasının 75 illiyi şərəfinə təşkil olunan hərbi paradda etdiyi çıxışda Şimali Koreya lideri Kim Çen In xalq qarşısında etdiyi səhvlərə görə üzr istəyib və göz yaşı tökmüşdü.