Bakıda müəllim və valideynlərin səyyar qəbulu keçiriləcək

Bakıdakı 229 nömrəli tam orta məktəbdə təşkil olunacaq səyyar qəbul saat 10:00-da başlayacaq

  • 23

Bakı, Nazilə Xaqani, İnteraz - 11 Yanvar 2017, 15:21

Yanvarın 13-də paytaxtın Nərimanov və Nizami rayonları üzrə müəllim və valideynlərin səyyar qəbulu keçiriləcək.

Bakı Şəhər təhsil idarəsinin mətbuat xidmətindən İnterAz-a verilən məlumata görə, sSəyyar qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, təhsilin keyfiyyətinin yüksəldilməsi, məktəblərdə sağlam və yaradıcı mühitin təmin olunması üçün sistemli iş aparmaq məqsədlərinə xidmət edir.

Bakıdakı 229 nömrəli tam orta məktəbdə (Ünvan: Nəsimi küçəsi 34) təşkil olunacaq səyyar qəbul saat 10:00-da başlayacaq.

Səyyar qəbulda müəllim və valideynlərin müraciətləri Bakı Şəhəri üzrə Təhsil İdarəsinin rəhbərliyi və struktur bölmə əməkdaşları tərəfindən dinləniləcək, problemli məsələlər araşdırmaya yönəldiləcək, müvafiq təşkilati və maarifləndirmə tədbirləri görüləcəkdir.