Fabrikdən dəhşətli görüntülər, dərilərini soymaq üçün timsahları diri-diri dəzgaha qoyurlar

Heyvanların dəriləri soyulduqdan və emal edildikdən sonra çanta, pul qabı və kəmərlər hazırlanacaq

  • 91477

Bakı, Ceyhun Nəzərov, İnteraz - 26 Dekabr 2016, 12:29

PETA heyvan hüquqları uğrunda mübarizə cəmiyyəti tərəfindən Vyetnamda timsahların dərilərinin diri-diri soyulması kadrları yayılıb. Videoda heyvanları stolun üzərinə qoyduqlarını, daha sonra dəmir armaturla onurğa beynini “dağıtdıqları”nı görmək mümkündür. Bəzi timsahlar hətta dəriləri soyulduqdan sonra belə hərəkət edir.

 

Fabrik fəhlələrindən biri prosesi şərh edib: “Dəriləri soyularkən sağ qala bilərlər. Amma 4-5 saat sonra ölürlər”. Bioloq Klifford Varvikin sözlərinə əsasən, bu zaman heyvanın dərhal öldüyünə heç bir zəmanət yoxdur. Çox güman ki, ölüm əzablı olur. 

 

Heyvanların dəriləri soyulduqdan və emal edildikdən sonra çanta, pul qabı və kəmərlər hazırlanacaq.